Aisa Nahi K Hum Ko Muhabbat

Aisa Nahi K Hum Ko Muhabbat Nahi Mili,

Tujhe Chahte Thy Par Teri Ulfat Nahi Mili,

 

Milne Ko To Zindagi Mein Kayee Hamsafar Mile,

Par Un Ki Tabiyat Se Tabiyat Nahi Mili,

 

Chehron Mein Doosron K Tujhe Dhoondte Rahe,

Soorat Nahi Mili Kahin Seerat Nahi Mili,

 

Bohat Dair Se Aaya Tu Mere Paas,

Alfaz Dhoondne Ki Bhi Mohlat Nahi Mili,

 

Tujh Ko Gila Hai K Tawajja Na Di Tujhe,

Lekin Hum To Khud Apni Muhabbat Nahi Mili,

 

Hum Ko To Teri Adat Achi Lagi Faraz,

Afsos K Tujh Se Meri Adat Na Mili..